སྤ་རོ་རྫོང་ནང་ལུ་ རྫོང་ཁག་ཁྲིམས་ཁང་བརྩིས་ཏེ་གཞུང་གི་ཡིག་ཚང་ཚུ་གིས་མ་དོ་བར་ རིན་སྤུངས་རབ་སྡེ་ཡང་བཞུགས་ཏེ་ཡོདཔ་ཨིན། རབ་སྡེ་འདི་ནང་ བླམ་གནས་བརྟན་གྱི་དབུ་བཞུགས་ཐོག་ལས་ དགེ་སློང་ཞལ་གྲངས་ ༣༠༠ དེ་ཅིག་བཞུགས་ཡོདཔ་ཨིན། 

བླམ་གནས་བརྟན་དང་འཕགས་པ་དགེ་འདུན་པ་ཚུ་གིས་ སྤྱིར་འགྲོ་བ་སེམས་ཅན་ག་ར་གི་དོན་ལུ་ ལྷ་ཁང་དང་མགོན་ཁང་ཚུ་ནང་ ཚེས་བཅུ་དང་སྒྲུབ་མཆོད་ལ་སོགས་པའི་ཆོས་ཕྱོགས་ཀྱི་ལས་རིམ་ཚུ་ འགོ་འདྲེན་འཐབ་སྟེ་མཛད་གནངམ་ཨིན། ལྷ་ཁང་རེ་རེ་ནང་ལུ་ ཉིན་བསྟར་བཞིན་དུ་གསོལ་མཆོད་ཕུལ་ནི་དང་ ནང་རྟེན་རྩ་ཅན་ཚུ་བདག་འཛིན་འབད་ནིའི་དོན་ལུ་ དཀོན་གཉེར་དང་རྐང་རྒྱུགཔ་རེ་བཀལ་ཏེ་ཡོདཔ་ཨིན། 

འདུ་ཁང་འདི་དགེ་འདུན་པ་ཚུ་གསུང་ཆོག་གྱི་རིམ་པ་ཚུ་གནང་ས་དང་ ཀུན་རྭ་འདི་ དགེ་སློང་ཆུང་ཀུ་ཚུ་ དཔེ་ཆ་ལྷབ་སྦྱངས་འབད་ས་ཨིན་མས།

ལྷ་ཁང་དང་མགོན་ཁང་གི་ཐོ་ཚུ་གཤམ་གསལ་ལྟར།